قالك سنحيا
...و اختفى
لا قال ازاى
ولا اكد ولا نفى
سابنا كدة حيارى
مستنين فى دى الحياة
ساعة تبقى حنينة
و ساعات تعاملنا بجفا
قالك سنحيا
ايه الجديد ؟؟
زية زى اللى قبله
كلام فى كلام
وتصريحات اعلام
حنعمل لكم ...
ولا حد عمل حاجة
ولا حد عارف احنا عايشين
ولا اموات من غير شهادة
دى العيشة بهدلتنا
اللى انحنى ظهرة
و اللى على وشة اتكفى
و الفقر اخد مننا راقات
لحد ما من فقرنا اكتفى
بقينا نحسد الاموات
و نقول يا بختهم
اصل الموت رفاهيه
دول عالم متكيفه !!
و الجديد
جاى يقولك سنحيا ...
ما احنا عايشين من زمان
لا اتغيرت شمس الصيف
ولا فى الشتا حنستغنى عن الدفا ...
اقولك انا على
الجديد بقى ..
ان الصبر مننا خلاص
داب و نسل
ومابقاش نافع يترفى !!
ليست هناك تعليقات:
إرسال تعليق