خايفة اموت
قبل ما اقول كل اللى عندى
خايفة كلامى يفضل وحيد
مفيش حد يسمعه
لا يفكر فيه
ولا ياخد فيه و يدى
مش عايزة اموت قبل ما اسيب اثر
اى اثر
فى اى مكان
اثر صغيركده
على قدى
اسيب ولو بصمة
صغيرة بكفى
اثر
لما تمر عليه
تقف قدامه و تهدى
تعرف منه ان هنا
كان فى يوم روح
بتحاول تكون حره
بتحاول تقول كلمة
كان عندها ولو
فكره ...
انا مش خايفه من الموت
قد ما خايفه انى اموت
قبل ما اقول كل اللى عندى ....
ليست هناك تعليقات:
إرسال تعليق