يا حلوة

يا حلوة 

 يا أم الكعب متحنى ...

وخطاوى دايبه فى جمال العود ..

و الشعر خيلى 

بطول ليالى السهر ممدود ..

يا أم طله
غار منها بدر التمام 

وخدود
 اخد منها الياسمين حلاوة المنظر 

يا مشاغلة الشمس بضحكه 

اخدها منك الصباح 

وبيها اتعطر ...

سبحانه الخلاق العظيم 

اللى ابدع وصور 

يا ايه حسن   

وعلى الارض ماشية تتمخطر ....

دى السكة قبل ما تروحيها 

تلاقيها جايا لك 

جاية تشوف القمر 

وتلبى ندا خلخالك ....

اشجينى يا حلوة 

من شهد كلامك و اسقينى 

اسمع كلامك 

من شوق الايام يروينى ...

يا حلوة 

يا أم القوام مفرود 

نظرة رضا لله 

تحلو بيها الايام 

ومن تانى الحياه تعود ....