ضحكة انس

يا ضحكة انس 

يا شمس منورة ضلمه الحال بونس 

يافراق 
معلم فى القلب بوجع ...

يا غدر 

 خطف الصبى 

كان رايح مع اصحابه ماتش كورة 

ولا رجع ...

يا قلب ام

ميت حته اتكسر 

يا اب 

دفن  حلم عمره 

و دفن معاه قلبه 

اللى

من الحسرة  احتضر  ...

ياعدل الدنيا 

يا ميزان مايل بكفة واحده 

دا القاتل اخد برائه 
و من تانى لحياته
  رجع   ...

يا ضحكة انس 

يا ضى 

سابلنا عتمة الظلم

 على الارض 

ولبراح النور 
فى السما ارتفع ...

يا حزن الوالدين 

و بشر الصابرين ...

دا ربك العدل  الكريم 

ما يضيع عنده حق 

ومسير الميزان يتعدل 

اللى على ادين ابن ادم  

مال و اتنكس ...