يا صديقى المفضل

الى ذلك الصديق الذى عندما يظهرعلى شاشتى  تتبسم روحى كشروق الشمس


 ,,,,,,,,,,,,,,,,,,,,

الى صديقى الافتراضى 

فى العالم الموازى 

لك منى كل التحية 

و تقديرى و اعتزازى ...

مش مهم تظهر 

ومش مهم ترد 

انا عارفة انك هنا 

عارفة انك سامعنى 

متاكدة انك موجود  بجد 

لانك كل الناس  ومش اى حد ...

يا صديقى 

يا حقيقى  

بس الزمن فرض عليك

 تبقى افتراضى...

زرع ما بينا  الزمن

زمان تانى 

و فرق ما بينا المكان 

غصب عننا و مش بالتراضى 

 مهما بعدنا ...

ومهما كانت ما بينا  حدود و اراضى 

اللى بينا حيفضل للابد مليان 

و عمر الزمن ما حيغيرة  

و لا عمرة  حيبقى  فاضى ....

و لو مابينا  ايام و سنين 

و لو ما بينا الف سور ...

و حواجز  الدنيا  و بحور  

 حنعرف لكل دا نفادى 

لان اللى بينا

ليه اساس متين 

ولانه نقى و صافى ....


ولو فى يوم....

 الايام زرعت ما بينا التجافى 

او قررت فى يوم...

لاى سبب

 انك منى  حتزعل   

او كنت عليا بتتقل 

ولو   غبت عنى 

او حتى بطلت تسأل 




حتفضل صديقى 

غالى فى حياتى 

و حافضل دايما عليك  انادى ...


يا صديقى المفضل .....