قلبى انكسر ..
لا شافة حد
ولا سمعه بشر....
و بركان الروح من الالم انفجر
و شلال الدمع على الخد انهمر
و لا حد بحالى عرف....
و لا اخد خبر....
غير رب العالمين
العالم بخفايا القلوب
و اسرار البشر
الرحمن الرحيم
راضية بحمكة و مؤمنة بالقدر
بس الانسان خلق ملول
بيزهق و ييأس لما بينتظر
و يموت قدام عينيه
الامل بعد الامل ...
و يستنى كل يوم
امل جديد
و يلاقية
زى مد البحر
بينحسر
تضيق عليه الدنيا
و تفضل تضيق
لحد اما يفتكر....
-- اذا ضاقت عليك الدنيا
فتذكر من و سعت رحمتة كل شىء --
يقوم يستغفر ربة
و يستعيذ من الشيطان و يعتبر.....
يا سامع دعايا و قت السحر....
يا خالق الكون ورازق الطير على الشجر ...
يا رافع السماوات بلا عمد
يا مسير السحاب
و منزل الثلج و المطر
قلبى انفطر ...
ولا غيرك يلهمنى الصبر
و لا لغيرك ارفع دعوتى
هون عليا الضيق ...
و اخرجنى الى اوسع الطريق ..
و اجبر خاطرى اللى انكسر ...
يسرى الخير ...
و رضينى بيه ...
ولا تحوجنى لصنف البشر ....
ليست هناك تعليقات:
إرسال تعليق