الدنيا

بتعاندنى ...

واعاندها اكتر 

بتقسى عليا قوى 

وانا احاول فى قسوتها  اكسر 

تقوم تعند تانى 

و تشد عليا اكتر واكتر ...

و انهار ...

و اقع ... 

وارجع افكر 

ياترى حاقوم تانى 

يا ترى حاقدر ؟؟؟؟

و استعين بالله و اشد حيلى 

و ابتدى من جديد 

احاول ابنى و اعمر 

امد امل جديد 
و فيه  اكبر 

تقوم تكسرنى وتدهسنى 

و بكل قسوة فى اشلائى تبعتر ....

هو انتى ايه يا دنيا ...

 مالكيش قلب 
ما بترحميش 

ولا انا اللى مش فاهماكى  ومش عارفة اقدر ؟؟؟

انا عارفة انك حرب 

 وفيها يوم حاكسب و يوم حاخسر 

بس خسارتك كلها الم  

و مكسبك  طعمة ممرر

هو انتى ليه كده 

  ليه عاملة فيا كده 

حنفضل لامتى كده

احارب فيكى و معاندانى

مدوخانى ومجريانى فى طريق 

مالوش اول 

 و مفيش منه  اخطر....

بس برضة  حافضل اعاندك 

و انا ورايا ايه تانى 

هى موتة ولا اكتر !!!