ابن الجيران فى العمارة اللى جنبنا ....
خايف ومش حاسس بالامان
ليه ؟؟
لاننا فى بيتنا عملنا انقلاب .....لترتيب الكيان
تغيير لاوضاع غلط ...كانت موجودة من زمان
احوال العمارة كانت متدهورة ومش عاجبة حد من السكان
اتجمعوا الناس فى عمارتنا
قدموا طلبات.... و اتناقشوا.... وقرروا ...و اصدروا بيان
لتغيير الكبير ...و اعوانة كمان
و انتخاب كبير جديد .....ويبقى كل السكان ليه اعوان
ابن الجيران خايف
طبعا ماهو جبان
سكن جنبنا قريب ....و محدش يعرف لة من قبل كدة مكان
عمارته صغيرة كدة ... و اشكالهم غريبة السكان
سكانة مالهومش اصل ...جايبهم من كل مكان
فاكر ان كدة ..حيعمل له تاريخ واصل ....ويبقى زى غيرة من الجيران
جاى هنا اول امبارح و فاكر ان حيعمل كدة ؟؟
اما صحيح بعقلة غلبان
تاريخه مافيهوش لون ابيض ...دا بكل الالوان
اخد العمارة دى من صاحبها
بالزور و البهتان
وحاطط عليها حرس ....وعامل عليها اعلان
ان عندهم خطط دفاع وسلاح كمان
ومع ذلك خايف ...مرعوب ....وبيطلب الامان
ماهو المعتدى كدة ....فاكر ان كل الناس زية
و طول الوقت خايف ...مستنى العدوان
من اى حد ...و باى شكل .....و بكل الالوان
ودار على البيوت اللى فى الحى ...والاحياء المجاورة كمان
الحقونى يا ناس .... العمارة اللى جنبنا ....فيها فلتان
انا سامع عندهم اصوات ...حوارات ....وشايفهم واقفين من اول الميدان
و بالرغم من تاريخه اللى عارفة الكل ....
طمنوة الناس ...و الكبار كمان
اصلك جديد هنا ... ومش عارف تقاليد المكان
محدش هنا بيخاف ....غير من خالق الروح و الاكوان
كلة محترم للاصول و الخير و الحق ....محدش هنا بيدور على الامان ...
لانه بفضل الله موجود فى كل مكان ...كله هنا واحد ...
حتى الغريب اللى مش من السكان
اللى انت خايف منهم دول .....هما صمام الامان
دول ناس مأصلين ...كبار المنطقة من زمان
ووصل الكلام للكبير ..... وزعلوا جدا السكان
بيتكلم عننا الهتير ... مخونا الجبان
وعمل كبيرنا اجتماع كبير لكبار الحى ... و كل السكان
الشارع كلة كان حاضر فى الصوان
و جا ب الكبير بتاعنا الجار الخايفان
جرى ايه ياعم انت ؟؟؟؟داير تتكلم عننا ليه فى كل مكان ؟؟
مالك انت ومالنا .... تتدخل ليه فى احوالنا
و اللى حيكون و اللى كان ؟؟
محدش قالك انه عيب تتكلم عن الجيران
دى الجيرة عندنا اصول .... بس ايش عرفك انت ....صحيح ندل و جبان
دا احنا يابنى اقدم عمارة فى المكان
و اكبر عمارة كمان
يابنى احنا جينا هنا ...و بعدنا ابتدا الزمان
الملك للواحد الديان
دا احنا الملوك هنا .....و اجدادنا ملكوا الزمان
احنا هنا من قبل ما يعملوا الميدان
بص كدة على اليافطة اللى فى اول المكان
اقراهالك ...ما تاقرا ... ..ولا دى ما بتعرفهاش كمان
التحرير .... و لو مش عارف ...اعرفك
دا على فكرة اسم الميدان
و اسم عمارتنا كمان
والحرية ...دى من عندنا خدت الاسم و العنوان
انت بقى ... منين انت ...من اى مكان ؟؟
و ايه اصلك ....انت تعرف اصلا للاصل عنوان ؟؟؟
انت زرعة كدة على جنب الطريق طلعت ....متطفلة
و مالهاش جذور كمان
كانوا بيقولوا عليها شيطانى
قال كدب ...و اعلن انه متبرى منها الشيطان
يا ابو مخ غايب عنك من زمان
ثورتنا دى كانت على الطغيان
فاكرنا زيك ؟؟؟ بنهجم على الجيران ؟؟
بيتنا و بنرتبه ....و نوضبة ونعيد الحسبان
مش عارف انا ..... ايه دخل السور اللى بينا
و دخلهم ايه الجيران ؟؟؟
يا جديد فى الدنيا انت
احنا عندنا حرمة للجيران
الجيرة عندنا فى شرعنا ... قرابة
ليها حرمة النسب و الدم ....زى ما قالوا اهل زمان
و احنا ادينالك كلمة ....
و الكلمة للراجل ......عندنا عنوان
اسمع يا ابنى انت ...
دخلتك دى غلط ...غلطان انت فى العنوان
اقف عندك ....وشوف بتكلم مين
احنا الكبار هنا ...خليك بادابك و الزم حدودك ... و ليك الامان
متخليناش نعورك ونسيح دمك فى المكان
الراجل عندنا اسد ...و عيالنا شجعان
دا احنا اصغر واحد سننا عندنا
ياكلك حى ....انت و عمارتك بسكانك كمان
دا احنا شباب عمارتنا ....لا
مش بس الشباب ......دا كل السكان
اللى يفكر ولا يقرب من حدهم ...يمسحوا بيه المكان !!
و يختفى اسمه و ذكرة ....و يسقط من الحسبان
ويبقى عبرة لغيرة .....ونادرة من نوادر الزمان
خد بالك يا شخص انت
التاريخ و الزمن و الدنيا كمان
من عمارتنا بيتعلموا الدرس ... ويعلموا الشعوب و الاوطان
دا اللى فاضل
عديم الاصل جاى يقولنا ...
الاصول ازاى..... وازاى يكون الامان
دا انت ليك معانا تاريخ ....كلة باغمق الالوان
فاكر عملنا فيك ايه زمان ؟؟
فاكر لما عملت فى السور فتحة
واخدة شكل الدوران ؟؟
وفكرت بغباوتك انك حتاخد من الارض حتة ... لا و ايه
عينك على اغلى حتة كمان
فاكر عملنا فيك اية ؟؟ ولا ناسى دى كمان ؟؟
دا التاريخ و الدنيا عليك اتفرجوا ....ولو ناسى
اسال الزمان
و فضيحتك كانت مدوية ...و سيرتك بقت على كل لسان
الزم سورك ....واحفظ ادبك ....و خليك بعيد عننا
خليك فى عمارتك ....وشوف مشاكل السكان
احترم نفسك.....و اعرف مكانك ..... وبلاش تواجهة الطوفان
مش عايزين نسمع صوتك تانى ...و الكلام دة مش حنعيدة فى صوان
احنا بتوع الخط المستقيم
و مالناش فى الدوران
حاول تتعلم مننا ..... يمكن يتوب عليك ربنا
....وتترقى من السيس و تبقى مان
وكدة خلص بينا الكلام ......اللى حنقتلة و نتاوية لو بس فكر
من تانى يبان
ماشى يا........مان ...!!
وعلى راى اللى قالوا زمان
اصبر على جار السو
وادينا صابرين يا زمان
لما نشوف اخرتها اية ....
باين الصبر هو كمان
من كترصبرنا
حيسكن عندنا ويعمل من عمارتنا
ليه عنوان !!
ليست هناك تعليقات:
إرسال تعليق