مش قادرة مخافش عليها ....
ولا قادرة اداويها...
ونفسي دموعى تغسلها ...
من كل اللى حصل ليها....
بادعى فى كل صلاة و اقول ....يارب تحميها
ترابها ليا سكن .. و روحى تفديها ...
ساعات.... بازعل منها قوى ...واجافيها ...
و بعدين الاقى روحى تناديها ...
عند اى خطر ...
اناديها ..مالك يامى ...
وينخلع قلبى عليها ...
و اوطى ابوس ترابها و ايديها .....
سامحينى على عمايلى .... غلطت ...
بس غلطتى حاصلحها و اداويها ...
سامحينى على اللى كان ....واللى حصل منى ...
عيالك و عارفينك ....الغلطة حتنسيها ...
مش حاسيبك تتالمى تانى ....
حقك مش حيضيع منى تانى ....
والارض .. بدمى حارويها ....
والدمعة مش حتنزل غير للفرح ....
مع البسمة تقويها .....
وحياة الشهيد و الميدان .....
وحياة الايام واللى حصل فيها .....
لترجعى ست الكل .....
ست الدنيا وما فيها ......
لما الشمس عليكى تطلع بنور جديد ....
و احنا معاكى و جنبك ....
وفى حضنك نحييها ...
سنابل دهب فى غيطانك .....
لما مع النسيم تميل ....
تضحك لها الشمس ...
وتميل ليها .....
و يبتسم لها القمر بسمة صافية ....
وتغير منها النجمة فى اعاليها ....
دى الجنة فى سماكى ....
و باشوفها فى شوارعك و حواريها .....
دا النسر حامى علمك
وزئير اسودك يزلزل الدنيا بما فيها
والمقدس من ارضك ...
حاميها خالق الحياة وباريها
يارب ...
يارب تحميها ....
و للامان وطن تخليها ....
وتقدرنى اوفى العهد ...
وبدمى احميها ....
عاشت مصر حره مستقله
ردحذف